أخبار عاجلة
الرئيسية / غير مصنف / حوار كل يوم

حوار كل يوم

بقلم : سمر جبر

انتى هتفضلى كده وعمرك ماهتتغيرى.انت اللى عايز كل حاجة تمشى على مزاجك.انا مش هفضل طول عمرى تحت امرك .لازم تطلع منى .عمركى ماهتعرفى تتطلعى منى .انا مش هاسبيكى لحد تانى غيرى .انتى بتاعتى انا وبس .انت عمرك ماحبيتنى .انت عايز تملكنى وبس .انا من ضمن ممتلكاتك .انا مش فى حياتك اصلا .انا مش بشكل فيها اى حاجة .وانا تعبت منك .انا جبت اخرى منك .انت اللى تعبت منى .انت اللى عايز علاقتنا تمشى بالشكل ده .انت لاعارف انت عايز ايه ولا بتعمل ايه .النهاردة معايا وبكرة ضدى .انت حتى مش مستريح معايا .عايزنى معاك ليه .مفيش حاجة بقولك عليها بتسمع كلامى فيها .دائما معترض ودائما زعلان .وعالطول مش راضى عن قرارتى .انتى اللى كل حاجة بترفضيها .وتصرفاتى دائما مش عاجبكى .انا مش عارف اراضيكى ازاى .بجد تعبت وزهقت .كفاية بقا احنا كل مرة بنتكلم مش بنوصل لحاجة وانتى عمرك ماهترضى .انت مش هتستريح غير لما تحس انك بتضيع منى وساعتها انا مش هعرف اعملك حاجة ولا تقولى الحقينى ….طيب اسكتى بقا .انا تعبت من نقدك ليا .انا هاخرج دلوقتى بس برضه هنفضل نتكلم مع بعض لحد ماترضى عنى وربنا يرضى عننا .وانتى عارفة ان مفيش حد مش بيغلط .عارف انا اللى هاسكت عشان بجد تعبت من اعذارك ليا .بينهما سكت الكلام ووعدها بحوار اخر وذرفت دموعه لعدم وصوله مع نفسه اللوامة على حل يرضيها و يرضيه

عن احمد زكريا

شاهد أيضاً

انفجار وإطلاق نيران في بورو ماركت قرب جسر لندن

أفادت قناة “العربية الحدث”، في نبأ عاجل، منذ قليل، بوقوع انفجار وإطلاق نار في بورو ماركت …

شارك الخبر