أخبار عاجلة
الرئيسية / غير مصنف / انا مش عايزة أقع

انا مش عايزة أقع

بقلم : سمر جبر

متخافيشى.انا مش هاسبيك.خليكي ماسكة فيا كويس عشان مش هاخليكى توقعى من ايديا .خليكى واثقة فيا .

مش قادرة ايدى نملت من كتر ماانت شددنى .

معلش استحملى شوية.والله هانت.حافظى بس على توازنك ومستواك.وخليكى بين ايديا وانتى بتبصى فى عنيا.متخافيش .

طيب سبنى وخلاص انا تعبت والله ..ارحم نفسك وارحمنى ..

اسيبك ازاى .انا مش هيأس ابدا .خليكى انتى بس معايا ..انا مليش مكان ولاعندى حضن غيرك .ابوس ايدك اوعى تعيطى …

طيب عشان خاطرك هاستحمل.ها… الحقنى فى حد بيشدنى من تحت ….

لا لالا ..عشان خاطرى سبيوها .دى بتروح منى .محدش يوقعها .دى خلاص مبقاش فيها نفس ..

بس.احنا كمان عايزينها.دى بتاعتنا ..

انتو بتقول ايه ؟ بتاعت مين ..دى مش بتاعت حد .انا عايز ارفعها .انقذها بس ..ارجعها لمكانها ..والله مش هاخدها ليا ..بس سبيونى انقذها قبل ماتروح منى ومنكم ..انا مش عايز منها حاجة …انا….

ارحمونى بقا ..كفاية انا تعبت وايدى ورجلى هيتقطعوا ..حرااام عليكم ..لو بتحبونى سبيونى ..كفاية جروح جسمى ودمى اللى سال ..

انا مش هاسيب ايديك ..

واحنا مش هنسيب رجلك.

انتو ليه مش فاهمين ؟؟؟انتو كده هتقطموا ليا وسطى ..اطلعوا فوق معاه ساعدوه وكلكم شدونى لفوق وهاطلع معكم .ياما هو يوافق ينزل لكم وتشدو رجلى ونغرق كلنا ..انا مش عايزة اوقع .عشان خاطرى انا. اتفقوا ..انا تعبت بجد.انا بالعافية ماسكة نفسى . وصدقونى لو روحت منكم .انا مش هاسامحكم ابدا

….هو انتو عندكم مصر غيرى ؟؟؟؟؟؟؟؟

عن احمد زكريا

شاهد أيضاً

انفجار وإطلاق نيران في بورو ماركت قرب جسر لندن

أفادت قناة “العربية الحدث”، في نبأ عاجل، منذ قليل، بوقوع انفجار وإطلاق نار في بورو ماركت …

شارك الخبر